Украина НАТОго кошулуу мүдөөсүнөн баш тартышы мүмкүн. Мындай сунушту Берлиндеги сүйлөшүүлөр алдында президент Владимир Зеленский киргизгенин айрым медиа жазды. Ак үйдүн чабарманы Стив Уиткофф жекшемби күнкү жолугушууда "олуттуу прогресс" байкалганын билдирди.
Сурамжылоолор көргөзгөндөй, украиналыктардын жарымынан көбү мамлекет башчы Владимир Зеленскийди колдойт. Басымдуу бөлүгү согуш шартында шайлоо уюштуруу туура эмес деп эсептейт.
Вашингтон соңку күндөрү жарыялаган эки маанилүү документ өлкөнүн тышкы саясатынын түрдүү багыттарын чагылдырып, АКШнын өнөктөштөрүнө да, атаандаштарына да стратегиялык маанилүү маселелерди кароодо жакшылап ойлонуусуна жем таштады.
Туткундардын мекенине кайтарылганы, чөлкөмдөгү мамлекеттердин өтүнүч менен кайрылган учурлары тууралуу маалымат жок.
Украинанын Коопсуздук жана коргоо кеңешинин төрагасы Рустем Умеров бейшембиде америкалык арачылар менен жолугушуу үчүн Флоридага аттанды. Айрым медиа каражаттары ал Кремлдеги сүйлөшүүлөрдүн жыйынтыгын талкууларын жазган.
АКШнын чабармандары Москвада орус президенти Владимир Путин менен жолугушуп кетти. Маалыматтарга караганда, андан алгылыктуу майнап чыккан жок. Мунун алдында украин президенти Владимир Зеленский сүйлөшүүлөрдү тагдыр чечүүчү деп мүнөздөгөн.
Логистикалык жактан маанилүү калаа үчүн айыгышкан салгылаштар бир нече айдан бери жүрүп жатат. Катардагы украиналыктар каршы тарап Покровскини алганынан күмөн санаганы менен, эгер ал чын болсо жагдай тынчтык сүйлөшүүлөрүнө таасир этерин белгилешет.
1-декабрда Украинанын президенти Владимир Зеленский Париждеги Елисей сарайында Франциянын президенти Эммануэл Макрон менен жолугушту. Орусия Украинага согуш ачкандан бери дээрлик төрт жылга жакындап калганда согушту токтотууну көздөгөн дипломатиялык аракеттердин дагы бир маанилүү аптасы башталды.
АКШнын Флорида штатында Вашингтон менен Киевдин делегациялары жолугуп, согушту токтотуу боюнча сүйлөшүүлөрдү жүргүздү. Америка тараптан сүйлөшүүгө президент Дональд Трамптын күйөө баласы Жаред Кушнер, Ак үйдүн атайын чабарманы Стив Уиткофф жана мамлекеттик катчы Марко Рубио катышты.
28-ноябрда Украинанын Коррупцияга каршы улуттук агенттигинин жана Жемкорлукка каршы иштерди караган прокуратуранын өкүлдөрү Владимир Зеленскийдин администрация жетекчиси Андрей Ермактын үйүн тинтишти.
Украин президентинин таасирдүү администрация башчысы Андрей Ермак кызматтан кетти. Бир нече саат мурда эле өлкөнүн Коррупцияга каршы улуттук бюросу (НАБУ) жана Жемкорлукка каршы прокуратурасы Ермактын үйүндө жана кеңсесинде күтүүсүз тинтүү иштерин жүргүзүшкөн.
Дагы жүктөңүз
